Tannpína!

Ég held að ég sé að fá tannpínu, eða ég er með tannpínu or some. Mér er amk illt! Vonandi gengur það yfir eins og pestin.

Allir eru í fínu formi, enginn nennir neinu dormi...

Já, allt á fullu þessa dagana. Sumarönn á Bifröst lauk í gær og nú á ég bara eftir að þreyta eitt heimapróf (á sunnudag), taka eitt próf við HÍ (á þriðjudag) skrifa 3 ritgerðir fyrir Bifröst (skil næsta föstudag) og 2 ritgerðir fyrir HÍ (skil veit ekki alveg hvenær en mjög bráðlega) og jú reyndar þreyta eitt annað próf við HÍ í frönsku (veit ekki hvenær, kennarinn á eftir að láta mig vita). Ég sé fram á að eftir næstu viku að þá verð ég orðinn nokkuð góður. Er annars búinn að fá ritgerðina sem ég skrifaði um daginn til baka. Hún bar titilinn: Hvað er Evrópusambandið, og get ég ekki verið annað en kátur. Fékk 9.0 og var held ég hæstur.

Var svo ég mjög fínu matarboði hjá Mathíasi og Mögdu í gær. Þakka ég kærlega fyrir mig, maturinn var einstaklega ljúffengur. Eftir matinn spjölluðum við og drukkum rauðvín. Allt saman mjög ljúft. Fór reyndar frekar snemma heim þar sem ég var dauðuppgefinn.

Dagurinn í dag hefur ferið í að leita heimilda fyrir næstu ritgerðir, skrifa fjöldann allan af tölvupósti og læra. Stefni á að leggja lokahönd á eina ritgerð í kvöld, lesa mér til um kalda stríðið og horfa á eina videospólu um die Wannseekonferenz (ætla svo að skrifa um hana ritdóm sem ég þarf að skila).
++++
Annað

Jón Valur Jensson er áhugaverð persóna. Hann er einn af þeim sem þekkir sannleikann. Það er alltaf gott þegar menn vita hver sannleikurinn er, sannleikurinn getur birzt í mörgum myndum og aðstæðum. Hver og einn einstaklingur hefur sinn sannleika. Sannleikur Jóns (ásamt mörgum öðrum) er hin Kristna trú. Kristin trú er að mínum dómi einn af þessum auðveldu sannleikum. Virkilega þægilegur í alla staði, svona til að tileinka sér í það minnsta. Það þarf ekki að stunda neinar rannsóknir, það eina sem ætlazt er til af manni er að trúa. Trúa í blindni, því ef maður jú trúir ekki í blindni getur vart verið um sannleik að ræða. Kristin trú er ekki eins og lögfræði. Lögfræði hefur nefnilega stundum tvo sannleika. Ef að tveir fullkomlega jafnhæfir foreldrar barns fara í forræðismál, þá geta lögin varla svarað því hvor aðilinn sé hæfari? Ætli dómarinn verði ekki bara að kasta upp á rétta niðurstöðu?

Kristin trú, að mati Jóns Vals í það minnsta, býður ekki upp á slíkt. Einn er sannleikurinn enda skrifaður af mönnum innblásnum af hinum heilaga Anda. Þó að lögspekúlöntum kunni að skjöplast getur slíkt ekki hent Biblíuna.

Ég ætla ekki að gagnrýna Jón fyrir hans sannleika. En það sem ég hef út á málflutning hans að að setja er að hann er ekki alltaf í samræmi við hina kristnú trú. Eitt af grundvallargildum í kristinni trú er mannkærleikur, og að aðgát skal höfð í nærveru sálar eins og Einar Benediktsson komst að orði.

Þó að Jón sé upprifinn af sínum sannleika að þá gremst mér að hann áttar sig ekki á því hvaða skaða hann veldur með því offorsi sem hann fer fram með. Hann sakar samkynhneigða um að hafa sem hópur beinlínis logið að ríkisstjórn Íslands, sjálfsagt svona eins og gyðingar sem hópur steyptu öllu í glötun í þriðja ríki Hitlers. Ég efast um að hann hafi eitthvað fyrir sér í þessu, enda verðum við líka að treysta því að þeir sem sitja á alþingi starfi þar samkvæmt vilja meirihluta þjóðarinnar.

Annað sem mér gremst í málfutningi Jóns Vals er að hann tekur eitt atriði úr heilagleikalögum Biblíunnar og fordæmir það. Af hverju fordæmir Jón ekki alla sem borða hamborgarhrygg um jól? Í minni biblíu er svínakjötsát fordæmt, og ekki eru höfð fögur orð um þá karlmenn sem stunda kynlíf með konum sínum þegar þær hafa á klæðum.

Jón Valur Jensson má hafa sínar skoðanir í friði fyrir mér, hann má meira að segja hafa þær uppi enda ríkir hér á landi almennt málfrelsi. Ég ætla samt að biðja hann um að íhuga í það minnsta þá erfiðleika sem samkynhneigðir einstaklingar standa fyrir í lífi sínu. Að sjálfsmorðstíðni meðal samkynhneigðra karlmanna er gríðarlega há. Við verðum að trúa því að líkt og Jón Valur að þá séu samkynhneigðir skapaðir í mynd Guðs! Ekkert hefur komið fram sem sýnir að svo er ekki. Hvorki Jón Valur né aðrir geta fært gild rök fyrir því að Jesús Kristur hafi haft eitthvað á móti samkynhneigðu fólki, frekar en betlurum eða blindum.

Það er líka svo auðvelt þegar fólk hefur umvafið sannleikann að beita honum með sínum hætti. Biblían boðar að maður eigi ekki að safna auði eða okra. Samt stóð hún fyrir sölu aflátsbréfa. Biblían segir í boðorðum sínum að þú skalt ekki mann drepa. Samt stóð kirkjan fyrir krossferðum!

Já, sannleikurinn er fallegur og góður. Við skulum biðja, í Drottins nafni. Amen.

Lífið mjakast áfram

Já, þrátt fyrir annir að þá einhvern veginn heldur lífið áfram. Nú hef ég lokið við eina ritgerð, eitt heimapróf og svo er Tálknafjör yfirstaðið. Í dag þarf ég að skrifa einn fyrirlestur til flutnings á morgun, í vikunni þarf ég líka að skrifa eina ritgerð í viðbót í þýzku og læra undir eitt próf við HÍ. En þá fer líka að grynnka á þessu.

Ég kem í bæinn líklegast á morgun.

Sældarlíf á enda!

Já, nú eru hinir ljúfu sumardagar senn á enda, eða raunar bara alveg á enda. Ég er svoleiðis að drukkna í vinnu. Ekki nóg með að sjá um þjóðverjana mína hérna á Tálknafirði að þá hef ég hafið meistaranám í evrópufræðum við Viðskiptaháskólann Bifröst. Leslistinn er vægast sagt langur, í ofanálag þurfti ég að skilaði ég 7 bls. ritgerð í gær, heimapróf verður á sunnudag, ég þarf að flytja fyrirlestur á þriðjudaginn og svo næsta fimmtudag fæ ég efni fyrir þrjá ritgerðir sem ég þarf að skila fyrir 25. ágúst og í vikunni eftir næstu eru svo tvö heimapróf í viðbót! Ofan á þetta þarf ég að taka próf í frönsku og skila 2 öðrum ritgerðum við HÍ. Eins og þetta sé ekki nóg að þá tók ég að mér að skipuleggja bæjarhátíð hér á Tálknafirði núna á laugardag!

Stundum held ég að ég sé tvíklofinn persónuleiki. Annars vegar er um að ræða súperegóista sem stendur í þeirri meiningu að hann geti allt og hins vegar er mesti letihaugur sem býr á plánetunni Jörð! Letihaugurinn er farinn í sumarfrí út mánuðinn og verður vonandi ekki hægt að ná í hann.

Líf og fjör á Tálknó

Það greinilegt að ég hef ekkert að gera hérna á Tálknafirði. Bloggfærslur mínar fjalla í stórum dráttum allar um hvað ég ligg alla daga í leti. Þetta er auðvitað ekki nógu gott. Ég er líka með stafla af verkefnum sem ég þarf að leysa hið fyrsta. Tillögur til að snúa þessu við eru vel þegnar.

Leti, leti, leti, leti líf mitt er

Held að ég geti slegið því föstu að ég þjáist af krónískri leti.

Mér finnst að það eigi að henda öllum virkjunarmótmælendahálfvitum í Hálsalón. Leyfa sauðunum að synda aðeins og kynnast ógnvæginni íslenzkri náttúru.

Á að skila fjögurra bls. ritgerð 10. ágúst um efnið: "hvað er Evrópusambandið" allar tillögur um hvað Evrópusambandið er eru vel þegnar.

Tálknafjörður

Er kominn aftur vestur í sæluna. Sakna Reykjavíkur þó pínu. Auglýsi hér með eftir hlutastarfi í haust. Kannski ég ætti bara að hringja í íþróttahúsið og athuga hvort þá vantar aftur starf fyrir mig með haustinu? Prófa kannski bara að senda Rannveigu e-mail? Kannski ætti ég bara að halda áfram að vera fyrir vestan? Þetta er flókið mál allt saman.

Ó, Borg mín Borg

Jæja, nú er ég kominn í siðmenninguna. Sunna Dís hefur dvalið hér hjá okkur Freyju síðan ég kom og höfum við brallað ýmislegt og rifjað upp gömul kynni. Ég eldaði speltpizzu í kvöld með heimagerðri pizzusósu og pepperóni, rauðlauk, jalapeño, sveppum, rjómaosti og mozzarella. Síðan eftir að hafa bakað pizzuna stráði ég fersku klettasalati yfir. Mjöööög gott. Í eftirrétt var svo ís og ferskur ananas.

Á leiðinni suður sprakk dekk á Nikulási Teiti! Það mun vera í þriðja skiptið í sumar!!! Ég lét gera við dekkið í dag OG þreif bílinn að utan...

...á sjálfvirkri bílaþvottastöð

Meistaranám hafið

Jæja, þá hef ég hafið meistaranám í Evrópufræðum á Bifröst. Auðvitað byrjaði ég með látum, en við upphaf fengu allir möppu með nafninu sínu á svona til að geyma blöð í og svo svona fundarmöppu merkta Bifröst. Á möppunni minni með nafninu stóð, auk nafn míns og námslínu: MA í Evrópufræði. Eins og allir vita ætti þetta auðvitað að vera MA í Evrópufræðum! Fór ég því og skilaði minni og bað um að þetta yrði leiðrétt enda mér og skólanum til vanza að vera með svona villu á möppunni. Það var og gert. Annars er þetta búið að vera fínt. Við erum búin að vera í leikjum í dag. Alla vegana leikjum. Nafnaleik, kokteilleikjum og ég veit ekki hvað og hvað. Ég kem svo í bæinn í kvöld.

Leti

Ég sit hérna uppi í rúmi og humma fram af mér að byrja tiltekt! Íbúðin er algjörlega í rúst og ég er að fara í burt á morgun. Ég er algjörlega ekki að nenna neinu. Er enn hálfnakinn eftir að hafa farið að hlaupa í hádeginu. Ætli maður geti þjáðst af krónískri leti?