Þetta er allt að koma

Já, nú vantar einungis einn í viðbót til að ég haldi áfram bloggi. Annars ætlaði ég að segja eitthvað stórsniðugt en ég er búinn að steingleyma hvað það átti að vera. Mér tókst að festa lyftarann minn áðan! Hann er fastur í drullu niðri á bryggju. Er ekki nógu gott. Annars eru að renna á mig tvær grímur með Háskólann á Bifröst. Ég er engan veginn að átta mig á hvað ég er að fá fyrir peningana þarna. Hin meinta þjónusta við nemendur hefur eitthvað látið standa á sér. Skólinn á að byrja um næstu helgi og ekki hefur verið send út stundatafla, bókalistar eru að vísu komnir á heimasíðuna en ég hef ekkert heyrt frá skólanum! Ekki neinar upplýsingar um hvernig standa skuli að greiðslu skólagjalda eða hvenær, ekki fengið aðgang að innra kerfi skólans (sem hlýtur að vera til eins og Ugla) og ekki fengið neinar upplýsingar um í hvaða kúrsa ég vil vera skráður í (en skólagjöldin miðast við hversu margar einingar maður þreytir á önn). So far verð ég að segja að Háskóli Íslands veitir muuun betri þjónustu (aldrei datt mér í hug að HÍ gæti komið vel út úr þjónustusamanburði). Ég hef grun um að eitthvað muni Páll láta heyra í sér eftir helgi.

Athugasemdir

[Sigrún Þöll (IP-tala skráð) 17.7.2006 kl. 17:25]

Númer eitt: Áttu lyftara?
Númner tvö: Af hverju?

Sigrún Þöll

[Páll Heimisson, 17.7.2006 kl. 18:03]

Já, já auðvitað á ég lyftara! Hver á ekki lyftara?